Man bedrieg POF glo uit miljoene

hof-hamer

Argieffoto.

ʼn 56-jarige man is in hegtenis geneem nadat hy die Padongelukkefonds (POF) glo uit meer as R6 miljoen bedrieg het.

Kapt. Simphiwe Mhlongo, woordvoerder van die Valke, het gesê Ebrahim Mohamed het glo ʼn vals eis by die POF ingedien waarna die geld aan hom uitbetaal is.

“Hy het beweer dat hy ernstige beserings in ʼn motorongeluk opgedoen het en gevolglik ʼn parapleeg is. Die Valke het op inligting wat hulle ontvang het gereageer en ondersoek begin instel,” het Mhlongo gesê.

Mohamed het Maandag vlugtig in die handelshof in Durban verskyn. Die saak is tot 21 Augustus uitgestel wanneer Mohamed glo om borgtog sal aansoek doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Basjan

Hierdie is maar net één wat uitgevang is. Daar loop nog baie ander gewetenlose skurke daarbuite wat nie uitgevang is nie.

Kloekie

En dokters ook…

marous

En die verliese word verhaal deur brandstof heffings waarvoor ons moet betaal. Geen wonder die land is by rommelstatus verby nie.

Hahahah

Gumtas gaan hom skker weer n stok voor dit steek want is mos n Ebrahim Mohamed wonder maar net

Chris Ws

En my vrou se R1,5 miloen uitbetaling na ALLES wat gevra was wetlik korek afgehandel is (na 4 jaar) terwyl sy niks vir haarself meer kan doen na die ongeluk nie ,is nog net op papier.Die hemel weet hoe lank sy nog moet wag.Die rente op haar geld alleen beloop al R200,000.