Man beseer in trekker-ongeluk

Die trekkerongeluk op 27 Maart 2015 in Bloemfontein Foto: ER24

Die trekkerongeluk op 27 Maart 2015 in Bloemfontein Foto: ER24

ʼn 31-jarige man is Vrydagmiddag beseer toe twee motorvoertuie sy trekker in Nelson Mandelarylaan in Bloemfontein in die Vrystaat getref het.

“Lede van die publiek het die man reeds versigtig van die trekker afgehaal toe paramedici van ER24 by die toneel opgedaag het,” het Russel Meiring, woordvoerder van ER24, in ʼn verklaring gesê. “Die man het kop- en nekbeserings opgedoen.”

Volgens Meiring is die man in ʼn stabiele toestand. Hy is na die Pelonomi-hospitaal geneem vir verdere behandeling.

Die oorsaak van die ongeluk is nog nie bekend nie. Plaaslike owerhede stel ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae