Man beseer in vliegongeluk

‘n Vlieënier is Vrydag beseer in ‘n vliegongeluk by die Stellenbosch-vliegveld in die Wes-Kaap.

Luyanda Majija, woordvoerder van ER24, sê die 46-jarige vlieënier het die vliegtuig probeer opstyg toe die stert die grond getref het en die vliegtuig omgeslaan het.

Majija sê die man is vir frakture en snywonde behandel op die toneel voor hy na die Mediclinic Vergelegen geneem is vir verdere behandeling.

Die ongeluk word ondersoek.