Man brand erg toe hy skok

Argieffoto: ER24

ʼn Johannesburgse man se vriende het Saterdagmiddag op hom afgekom nadat hy erge brandwonde, glo deur ʼn elektriese skok, opgedoen het.

Werner Vermaak, woordvoerder van ER24, het gesê paramedici is omstreeks 16:00 na die huis in Forest Hill ontbied. Daar het hulle die man gevind waar hy op die vloer van die woonkamer gelê het.

“Die man se vriende kon hom glo nie in die hande kry nie en het na sy huis gegaan om ondersoek in te stel. Toe hulle by die huis aankom, het hulle gevind hy het skynbaar ʼn elektriese skok opgedoen en het erge brandwonde oorgehou,” het Vermaak gesê.

Hy het gesê die man is op die toneel behandel voordat hy na ʼn nabygeleë hospitaal gehaas is. Die presiese omstandighede van die voorval is nie bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

Willem ·

Nou wat weet jy van hierdie geval? In die stuk wat jy gelees het het jy seker jou eie storie op gemaak en nou maar verneem die ou het aan drade gewerk en hy is nie n elektrisien nie?

Mariné Lourens ·

Dagsê Zulu

Dankie vir jou kommentaar. Ons vra om verskoning vir die oorsig. Die berig is reeds gewysig.

Groetnis
Mariné
nms Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.