Man by gholfklub doodgeskiet; stiefdogter gewond

Marlene Matthysen. (Foto: Facebook)

Die Vrystaatse polisie is steeds op soek na die aanvallers wat die 61-jarige Louis Coetzee doodgeskiet en sy stiefdogter Marlene Matthysen Vrydagaand by ʼn gholfklub op Welkom gewond het.

Rowers het Coetzee, Matthysen en dié se vriendin, Kim van Heerden, omstreeks 22:00 by die gholfklub oorrompel. Hulle het pas die onderneming toegesluit en was op pad huis toe, toe die rowers toegeslaan het.

Kapt. Stephen Thakeng, polisiewoordvoerder, het gesê Coetzee is twee keer geskiet en het op die toneel gesterf. Matthysen is ernstig gewond en is steeds in ʼn hospitaal. Die koeël het haar skrams teen die kop getref, sê Thakeng.

Die aanvallers het glo kontant geëis, maar het uiteindelik net met ʼn skootrekenaar gevlug

“Ons volg alle leidrade op en die soektog na die aanvallers duur voort,” het Thakeng gesê.

Van Heerden is nie tydens die aanval beseer nie. Sy het die paniekknoppie gedruk en só hulp ontbied.

Anna Matthysen, Marlene se suster, het op Facebook geskryf sy is kwaad vir die aanvallers wat haar stiefpa vermoor en haar suster vir dood agtergelaat het.

Louis Coetzee (Foto: Facebook)

“Die Here ken my hart en jy [die aanvaller] sal moet gaan rekenskap gee. Rus in vrede, my Loeitjies. My hart is tot diep in my siel seer, maar my Here is groot. Groter as jou hand wat daai sneller getrek het. Mag jy kry wat jou toekom. My sus, jy is ʼn fighter. Ek weet jy gaan deurdruk. Ek is baie lief vir jou,” het Anna geskryf.

Werner Stolz, eienaar van die Unicorn-gholfklub, het sy medelye met Matthysen en Coetzee se naasbestaandes betuig. “Ek verstaan nie hoe ʼn mens iemand vir niks net doodskiet nie,” het hy gesê.

Stoltz het gesê Matthysen en Van Heerden werk die afgelope sowat ses maande by die klub. “Dis baie hartseer vir ons dat só ʼn ding gebeur het,” het Stoltz gesê.

Volgens Thakeng word klagte van moord en poging tot moord ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
honourable member

Hierdie sinnelose moorde of wittes raak nou belaglik. Hierdie mense gaan nie ophou nie want die regering beskerm hulle en hits hulle net verder aan. Ons het ook regte.

willem botha

Sien hulle nou die wit mense as n atm waar geld altyd beskikbaar is dankie polisie weens julle onvermoë om misdaad te bekamp is al weer n lewe kortgeknip.

Roberto Betta

Venezuela 2.0

Daan

Ek plaas die blaam reg voor die deur van die regerende party. Hulle skep werklooshed, Werkloosheid is die direkte oorsaak van die hoe kriminele tendens! VIVA ANC!!!!!!! PARY OF CRIMINALS CREATING CRIMINALS!

Laksman

Hierdie moord is in die media, baie ander word nooit bekendgemaak nie, soos die moord van n ou oom op sy kleinhoewe buite P.E. Saterdagaand. Soos ons elke dag oor die tv moet hoor, “land or death”!