ʼn 56-jarige man van Johannesburg is tydens ʼn padblokkade in Calvinia in die Noord-Kaap in hegtenis geneem toe hy met dwelmmiddels met ʼn straatwaarde van byna R4 miljoen betrap is.
“Die verdagte is met 12,6 kg tik betrap met ʼn geraamde straatwaarde van R3 971 268,” het brig. Mohale Ramatseba, woordvoerder van die polisie, gesê.
Die dwelmmiddels was in die spaarwiel van sy bakkie versteek. ʼn Leë versteekte kompartement is ook in die sitplek van die bakkie ontdek.
Die verdagte was glo na Kaapstad op pad. Hy sal na verwagting Maandag in die Calvinia-landdroshof verskyn.
Ramatseba het gesê die direktoraat van prioriteitsmisdaadondersoeke (die Valke) sal verder ondersoek instel.
Wel hy sal seker niks oorkom. Ons president laat dan nou 19000 gevangenisse vry
1. Borgtog van so R1000.00. Dan gaan hy nuwe besending haal.of oorspronklikev weer terug kry en sy reis voortsit. Snaaks ek sien nie dat hy ook aangekla word vir oortreding van die ” Lock Down” regulasies nie
Hy was oppad werk toe in n ander provinsie….
Ek stem.
R1000 borg is belaglik
Ek wens hy word baie swaar gestraf! Erger as die straf wat ouers en familie en vriende van dwelmslawe verduur!!