’n KwaZulu-Natalse man word van strafregtelike laster, intimidasie en afpersing aangekla nadat hy foto’s van ’n vrou sonder haar medewete op ’n sekswebwerf geplaas het.
Die vrou is erg getraumatiseer nadat sy oorval is deur oproepe van mans wat haar wou besoek.
Mohamed Fories Hoosen (38) is onlangs, ná ’n lang ondersoek, in Chatsworth in hegtenis geneem nadat die vrou die plasing van die foto’s by die polisie aangemeld het.
Kapt. Nqobile Gwala, polisiewoordvoerder, sê die vrou het op 28 Augustus inligting ontvang dat foto’s van haar op ’n sekswebwerf geplaas is. Dít nadat sy talle boodskappe op sosiale media en e-pos ontvang het van mense wat seksuele dienste aanbied.
Gwala sê dit blyk dat Hoosen ook foto’s van die vrou se familielede en ander mense na aan haar op die webwerf geplaas het.
Hoosen is Donderdag in die Durbanse landdroshof op borgtog van R5 000 vrygelaat en sal na verwagting weer op 7 Julie in die hof verskyn.
Wat is die doel van R5000 borggeld?
Dit is baie gemeen, kan n mens so laag daal.
Dis n taboe in die moslem kultuur maar ek dink alle vroue moet insien dat dit n flater is om jouself naak op n foto te plaas.
https://youtu.be/Iaz0ODpxgOg
My ouma grootjie is my nog steeds dankbaar na ek haar fotos gedeel het.