Die onafhanklike polisie-ondersoekdirektoraat (Opod) ondersoek ʼn voorval waarin ʼn 44-jarige man oor die naweek in die Vrystaat glo opsetlik deur ʼn polisiebeampte in ʼn polisievoertuig doodgery is.
Robbie Raburabu, waarnemende nasionale woordvoerder van Opod, het aan Maroela Media gesê die voorval het Saterdag in die Makwane-nedersetting in Qwaqwa plaasgevind.
“Beamptes van die plaaslike polisiestasie is ontbied deur ʼn vrou wat ʼn klag van huishoudelike geweld aangemeld het. Die beamptes het die klaagster na haar kêrel se huis vergesel om haar kind te gaan haal, wat glo deur die kêrel gevat is,” het Raburabu gesê.
Die kind is by die man se huis opgelaai, maar die man het die polisie probeer verhoed om weg te ry deur voor die polisievoertuig te staan. “Die bestuurder het na bewering oor die man gery. Hy is op slag dood.”
Opod ondersoek ʼn saak van strafbare manslag teen die beamptes wat betrokke was.
Ons vertrou op opod om ‘n deeglike regverdige ondersoek te doen.
As die polisie hom opsetlik doodgery het behoort dit mos ‘n saak van moord te wees eerder as strafbare manslag of hoe?
Dit is moord! Hoe walglik!!
Sjoe hoe kan iemand so met opset ` n ander persoon doodry en dit nogal `n polisieman….geen wet en orde in ons land nie…
Ai jai tog. Dink mooi. As jy rerig dink jy kan voor n motor gaan staan en sterk genoeg gaan wees om die motor te stop, wel dan moet jy die prys betaal vir onnoselheid.
Lees gou : “Glo” en in een van die kommentare “As”.
Hierdie berig vertel een kant van die storie. Laat OPOD hulle ondersoek doen en dan kan ons almal ‘n goed deurdenkte besluit neem oor wat gebeur het, en wie die skuldige party is.
Alweer a vrou wat a kind gebruik vir haarself om man seer te maak