Man deur rivier meegesleur

Argieffoto: SAPD/Facebook

Argieffoto: SAPD/Facebook

Polisieduikers en reddingswerkers is tans besig om na ʼn 30-jarige man te soek wat vroeër vandag deur water van die Kliprivier in Meyerton suid van Johannesburg meegesleur is.

Kapt. Mzimkhulu Mthimkhulu, woordvoerder van die polisie, het gesê die man is omstreeks 10:00 deur die water meegesleur. “Daar word beweer dat die man in die rivier ingegaan het as deel van ʼn tradisionele seremonie. Die watervloei is egter baie sterk en hy is meegesleur,” het Mthimkhulu gesê.

Mthimkhulu het gesê hoewel dit nie tans in die gebied reën nie, bemoeilik die sterk vloei van die rivier die soektog.

Werner Vermaak, kommunikasiebestuurder van ER24, het gesê paramedici is ook na die toneel ontbied. “Die polisieduikers is steeds op die toneel besig om na die man te soek. Die paramedici is op die oewer op bystand om noodhulp te verleen sodra die man gevind word,” het Vermaak gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
Nico

Baie simpatie met sy gesinslede. Nie geweet die rivier loop so sterk nie…