Chris Botha, woordvoerder van Netcare 911, het gesê die man het glo op die dak van die tweeverdiepinggebou geklim om ʼn afdak aan die kant van die gebou te stabiliseer aangesien die wind baie sterk gewaai het.
Volgens Botha het die man van die dak op ‘n palisadeheining geval wat hom deurboor het. Botha het gesê die man is met paramedici se aankoms op die toneel dood verklaar. Die voorval word ondersoek.