Man dood ná bakkie op plaas omslaan

Foto: Netcare 911

Foto: Netcare 911

ʼn Man is dood nadat die bakkie waarin hy ’n insittende was op ʼn plaas by Bronkhorstspruit omgeslaan het.

Athlenda Mathe, woordvoerder van Netcare 911, het gesê die man, vermoedelik ʼn plaaswerker, is uit die bakkie geslinger. “Met ons aankoms op die toneel het ons gesien die bakkie het bo-op die plaaswerker tot stilstand gekom.”

Volgens Mathe is die plaaswerker op die toneel dood verklaar. Die bestuurder van die bakkie, ook ʼn plaaswerker, het ligte beserings opgedoen. Hy is op die toneel behandel voor hy na ʼn nabygeleë hospitaal geneem is vir verdere behandeling.

Die voorval word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae