Man dood ná motor in rivier ploeg

Die motor het in die rivier beland. (Foto: Verskaf)

ʼn Man is dood en ʼn ander beseer nadat hul motor Donderdag van ʼn brug in Erasmia, Pretoria, afgeploeg en in ʼn rivier beland het.

Volgens Russel Meiring, ER24-woordvoerder, is paramedici omstreeks 17:40 na die toneel in Skurwebergstraat ontbied. Met hul aankoms het die motor op sy sy in die rivier gelê. ʼn Man het op die rivier se oewer gelê terwyl ʼn ander op die toneel rondgeloop het.

Die man op die oewer het egter reeds aan sy beserings beswyk en is op die toneel dood verklaar. Hy was vermoedelik in sy 30’s.

Volgens Meiring het verbygaande motoriste die motor in die rivier gewaar waarna hulle albei insittendes uit die motor tot op die rivierwal gehelp het.

Die ander man (27) het minder ernstige beserings opgedoen en is op die toneel behandel waarna hy na die Kalafong-hospitaal geneem is vir verdere behandeling.

Plaaslike owerhede was op die toneel om ondersoek in te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

SjN ·

As ek so na die voertuig kyk dan lyk dit vir my na die een wat roekeloos verby my gejaag het,

Andre ·

Moenie oordeel nie, iemand is dood, het julle nog nooit roekeloos bestuur nie? Nie eers oor die spoedgrens nie? Is dit nie normaalweg die kommentaar, wanneer dit pas? Dan is ons gewete mos weer skoon.

Vaspatat ·

Snj, dus het jy maar net verder gery en nie gestop om hulp te verleen nie?

Nel ·

Patat, as die motor van vooraf verby Sjn gejaag het, sou hy nie die ongeluk sien gebeur het nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.