Man dood op snelweg gevind

Argieffoto: memyselfaneye (Pixabay)

Argieffoto: memyselfaneye (Pixabay)

ʼn Man se liggaam is Vrydagmiddag op die N1-snelweg by Meiringspark, Worcester, in die Wes-Kaap gevind.

Russel Meiring, woordvoerder van ER24, het gesê paramedici is na die toneel ontbied omdat ʼn voetganger na bewering raakgery is. Met hul aankoms op die toneel het hulle die man, vermoedelik in sy 40’s, in die regterbaan in ʼn plas bloed sien lê.

“Paramedici het die man ondersoek en bevind dat hy talle steekwonde opgedoen het. Hy het geen tekens van lewe getoon nie en is op die toneel dood verklaar.”

Volgens Meiring was die polisie op die toneel. Maroela Media wag op kommentaar van die provinsiale polisiewoordvoerder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.