Athlenda Mathe, woordvoerder van Netcare 911, het gesê die man is glo in Midrand gekaap waarna die kapers na Christina de Wit-rylaan naby die Groenkloof-natuurreservaat gery het en die man afgelaai het.
Volgens Mathe het die man aan paramedici gesê dat hy aangerand is terwyl die kapers met hom rondgery het. Mathe het gesê die man het ernstige beserings opgedoen en is op die toneel behandel voordat hy na ʼn Pretoriase hospitaal vervoer is vir verdere mediese sorg.
Die saak word ondersoek.