Die sementvragmotor wat omgeval het (Foto: Verskaf)
’n Man is Vrydagoggend per helikopter na ’n hospitaal geneem nadat die sementvragmotor wat hy bestuur het op die R102 tussen Ottawa en Phoenix-Noord in Durban omgeslaan het. Nooddienswerkers moes ingespan word om die man uit die vragmotor te kry nadat hy’n hele ruk lank daarin vasgekeer was.
Netcare 911, Reaction Unit South Africa (Rusa), KZN VIP Medics, die Durbanse metropolisie en die Ethekwini-brand- en reddingsdienste is omstreeks 11:30 na die toneel ontbied.
Die vragmotor is gedeeltelik deur ’n insleepvoertuig opgelig sodat die man vanuit die wrak bevry kon word (Foto: Verskaf)
Shawn Herbst, woordvoerder van Netcare 911, sê volgens berigte het die man beheer oor die Mercedes Benz-sementvragmotor verloor, wat daartoe gelei het dat die voertuig omslaan.
Prem Balram, woordvoerder van Rusa, sê die vragmotor is gedeeltelik deur ’n insleepvoertuig opgelig sodat nooddienswerkers en lede van die Ethekwini-brand- en reddingsdienste die man uit die wrak kon bevry.
Volgens Herbst het die man ernstige beserings opgedoen en is hy op die toneel deur paramedici behandel. Hy is daarna per helikopter na ’n spesialisfasiliteit geneem vir verdere mediese sorg.
Netcare 911, Reaction Unit South Africa (Rusa), KZN VIP Medics, die Durbanse metropolisie en die Ethekwini-brand- en reddingsdienste is omstreeks 11:30 na die toneel ontbied (Foto: Verskaf)
Volgens berigte het die man beheer oor die Mercedes Benz-sementvragmotor verloor (Foto: Verskaf)
Wat is dit met vragmotorbestuurders? Óf hulle het nie die nodige bestuursopleiding nie, óf hulle jaag. Vragmotors het al op die snelweg by my verby gejaag, dat dit lyk asof ek stilstaan.
Al die ongelukke met trokke… ek dink dis spoed.. as mens sien hoe jaaghulle
Die nuwe trokke kan nie jaag nie, hulle is almal ge”cap” by die fabriek om net 80km per uur te kan ry, hulle kan nie vinniger nie. Ek werk in die bedryf
Dan is hier seker baie ou trokke in Durban, want hulle almal jaag ‘n stink spoed!!!
Lol.. tog waar Misky. Lekker om te hoor jy woon ook hier. :-)
Wens ek kan n foto wys wasr n trok vdag deur Pines Antique gery ht. Dit jaag mos net. Dis hier in Parys
Stem saam dit is beslis spoed kan nie glo die trokke jaag so …..en ry so op die ander se gat…glo nie hulle kan stop as daar iets gebeur nie!!!!!!