ʼn 47-jarige man het ernstige beserings opgedoen toe ʼn weerligstraal hom in Bethal, Mpumalanga getref het.
Ineke van Huyssteen, woordvoerder van ER24, het gesê paramedici het Saterdagmiddag omstreeks 17:00 by die toneel aangekom. “Hy is ernstig beseer en is na ʼn hospitaal geneem vir verdere mediese behandeling.”
Die man het vermoedelik 3,5 m van ʼn landbou-implement afgeval toe ʼn weerligstraal die toerusting getref het.