Man gee hom oor ná nagklub-moord

Menlyn Square. Foto: Google Maps-skermskoot

Menlyn Square. Foto: Google Maps-skermskoot

ʼn Man het hom by die Brooklyn-polisiestasie oorgegee nadat ʼn uitsmyter Sondag in die vroeë oggendure by ʼn nagklub in Pretoria doodgeskiet is.

Kapt. Jan Sepato, woordvoerder van die polisie, het gesê ʼn aanklag van moord is teen die 24-jarige man van Laudium aanhangig gemaak en hy sal Woensdag in die hof verskyn.

Maroela Media het vroeër berig ʼn onderonsie het tussen ʼn groep mense buite die Thundr-nagklub in Menlyn Square, langs die Menlyn-winkelsentrum, ontstaan. Aveoumi Oleidele (37), wat as ʼn uitsmyter by die klub gewerk het, het tussenbeide probeer tree en is in die bolyf geskiet. Hy is op die toneel dood.

Sepato het bevestig Oleidele was ʼn Nigeriese burger.

In September verlede jaar is daar ook ʼn persoon by dieselfde nagklub dood nadat hy met ʼn mes gesteek is. Shane Boruchowitz (23) is dood nadat hy glo ʼn bakleiery tussen sy vriende en ʼn ander groep probeer stopsit het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

9 Kommentare

Piet Pompies ·

Maak die plek toe, dit wil voorkom of dit vrot appels lok.

FC ·

Ons hoor so gereeld van die verskriklike dinge wat by die nagklubs aangaan, om nie eers te praat van die dwelms wat so vrylik oral beskikbaar is nie, selfs by skole
As ons enigsins ‘n polisiemag gehad het wat hulle werk gedoen het sou hierdie euwels baie minder gewees het.

ANDRE ·

Gom plekke het die soort uitwerking op mense wat soontoe gaan , haat dit ! My seun (25) maak musiek (geraas) by soortgelyke plekke in Limpopo en was nou al vierkeer in die hospitaal.Drie keer aangerand en een keer met n mes gesteek , maar probeer hulle nou daar weghou………..wie nie wil hoor nie ??…..Meng jou met die semels ??

Moral of the story ·

Beide mense is dood toe hul tussenbeide wou tree. So moral of the story los hul dat hul mekaar maar doodmaak. Mense wat met vuurwapens uitgaan beplan klaar moeilikheid, as jy sê dit is vir verweer hang jy beslis op die verkeerde plekke uit.

Costa Kamoka ·

Ah Nee Ah wat te veel is the Veel …Maak al die snaakse plekke toe en doen n voledige ondersoek….het die ou van Nigeria n werkers permit ?

SkarrelKind ·

Dis vir my ongelooflik hoe die kommentaar veralgemeen en aannames gemaak word sonder enige feite.

Was julle daar?

En het julle geen simpatie vir die geliefdes van die mand wat oorlede is nie? Of word hy klaar as skelm en gewelddadig bestempel oor sy herkoms en sy beroep?

Leon Pit ·

Kyk as daar klippe gegooi kan word is die mens eerste in die ry en dan word daar nog baklei ook om eerste te wees. Die wereld kan soveel meer n beter plekkie wees as die mens net sy eie ek houding wil om swaai in iets positief. Feite praat die waarheid so asb hou daarby .

Oupa Hen ·

Al wat ek kan sê is, bly weg van sulke plekke en hou jou kinders ook weg.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.