Man gee homself oor ná verkeersbeampte sterf

Argieffoto

Argieffoto

ʼn Motoris van Limpopo wat Sondag in Tzaneen glo betrokke was in ʼn tref-en-trap-ongeluk waartydens ʼn verkeersbeampte gesterf het, is in hegtenis geneem.

Maroela Media het vroeër berig die 40-jarige verkeersbeampte, deel van die Groter Tzaneen-munisipaliteit se Mopani-distrik, was op die R36 naby die Macdonald-varsproduktemark aan diens toe ʼn motor hom gestamp en die motoris weggejaag het. Lt.kol. Moatshe Ngoepe, woordvoerder van die polisie, het gesê die ongeluk het ongeveer 15:30 plaasgevind.

“Die motief vir die ongeluk is nog nie bekend nie, die ondersoek duur voort,” het Ngoepe gesê.

Volgens hom het die motoris homself Sondagaand by sy naaste polisiestasie oorgegee.

Die verdagte verskyn Dinsdag in die Tzaneen-landdroshof op aanklag van strafbare manslag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Jan maak n Plan

Wat se strafbare manslag. Die verkeersbeamte is dan dood m.a.w. dit moet mos nou ‘n moord saak wees???? —– Of is iemand nou weer besig met iets wat stink.

Vra maar net

Jan maak ‘n plan, Ek stem. Saam en dit nogal ‘n tref en weg ry. Ek ruik ‘n rot!

Marous

Motief vir die ongeluk????

Joann

Het verkeersman dalk geslaap?

Tiger

Ons van agter deur ‘n persoon met ‘n Land Cruiser getref toe my man wou regsdraai op ‘n grondpad by ‘n boer se plaas pad in.DIe stof op die dag wat ons motor opgeskop het omdat dit in die winter was en die pad poeier gery is was erg.Ek was 42 dae in ICU en 4 maande in die hospitaal.My man is net lig beseer want hy ons voertuig is aan die linker helfte getref.Die Land Cruiser het omgeslaan agv sy spoed tydens die botsing.3 jaar later en ek leer nou weer loop agv van die brein besering wat ek… Lees meer »