Man geskiet, gesin in kluis toegesluit tydens plaasaanval

Willem en Nicoleen van der Merwe. Foto: Facebook.

ʼn Man, sy vrou en hul dogter is in hul inloopkluis toegesluit nadat hy in die been geskiet is tydens ʼn plaasaanval.

Die aanval het op die plaas Driehoek tussen Secunda en Bethal in Mpumalanga plaasgevind. Henry Geldenhuys, voorsitter van TLU SA se veiligheidskomitee, het aan Maroela Media gesê daar was glo vyf verdagtes betrokke by die voorval.

Die groep verdagtes het die gesin vermoedelik Dinsdag kort voor middernag aangeval. “Die mans het toegang tot die huis verkry deur ʼn kombuisventer en die gesin wakker gemaak,” het Geldenhuys gesê.

Hul het geld geëis en Willem van der Merwe (56) in sy been geskiet en met ʼn byl se agterkant aangerand. “Die koeël is nou uit sy been verwyder, die projektiel het been getref en dit het ʼn kraak veroorsaak,” het Geldenhuys gesê.

Volgens Geldenhuys het die aanvallers ook gedreig om hul 19-jarige dogter, Zelmarie, met ʼn strykyster te brand. “Hul het Willem, Nicoleen en Zelmarie in die instapkluis toegesluit en met Willem se Ford-bakkie van die toneel gevlug,” het Geldenhuys gesê.

Zelmarie van der Merwe.

Benewens die bakkie het die aanvallers met vyf vuurwapens en selfone gevlug.

“Hulle kon eers ná ʼn uur daarin slaag om hulself uit die kluis te bevry en Willem het na ʼn naburige plaas gejaag en hulp ontbied. Willem is daarna hospitaal toe geneem,” het Geldenhuys gesê. “Plaasaanvalle is besig om hand uit te ruk.”

Annetjie Steyn, lid van die boeregemeenskap het Willem in Trichardt Mediclinic besoek en gesê dit gaan onder omstandighede goed met hom. “Hy het ʼn wond aan sy been, ʼn sny op sy hand en ʼn klomp kneusplekke. Hy is geboelie,” het Steyn gesê.

Die polisie was nie onmiddellik beskikbaar vir kommentaar op die voorval nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
mel

Baie sterkte aan hierdie familie, daar is ni meer woorde ni!!!!!

Worry

Die polisie het nie ‘n clue meer wat aangaan nie en is ook nie juis bekommerd oor die aanvalle op boere nie . hulle het heeltemal beheer verloor en worry regtig nie oor NET NOG ‘n boer en sy gesin wat aangeval is nie . Vuurwapenwette maak dit moeilik vir wetsgehoorsame burgers om wapens te besit terwyl ELKE plaasmoordenaar en aanvaller met wapens wegkom wat IN KLUISE toegesluit was …. Hoekom wil hulle ‘n 19 jarige met ‘n strykyster brand? Omdat hulle honger is ..? WAAR IS DIE LIBTARDS NOU ???

Johan Pretorius

Ja nee kyk. Die vlaag van plaasaanvalle het begin. Hierdie is uitwissing van ons boervolk. Ek het nie meer woorde nie. Eerlik waar. Ek wens net ons mense kan opstaan teen die bose elemente. Ons is besig om uit te sterf, word voor die voet soos diere geslag, gebrand, gemartel en verkrag.
Wens al die mense kan inskakel by organisasies soos kommandokorps, sodat ons saam die ding kan veg, want die regering en polisie gaan niks vir ons doen nie. Hulle ondersoek die sake en dis waar dit bly. Verder lag hulle in hul mou vir hoe ons uitgemoor word.

Johan Pretorius

Kom mense, sluit aan by kommandokorps. Sodat ons almal met mekaar kan kommunikeer, en sodoende die ding try hokslaan. Asb mense, ons kan nie meer stil sit en niks doen en toekyk hoe ons volk vertrap en uitgewis word nie.

Gerhardt

So hy mag seker nie teruggeskiet het nie anders was hy aangekla vir moord. Waarom is Gerrie Nel so stil.Kan hy nie op n manier ingryp nie?