Man geskiet toe hy gaan fietsry

Foto: Netcare 911

ʼn Fietsryer moes Saterdagoggend per helikopter na ʼn Johannesburgse hospitaal geneem word nadat hy verskeie kere langs die pad geskiet is.

Kapt. Appel Ernst, woordvoerder van die polisie, het gesê die voorval het naby die Letamo-landgoed in die Kromdraai-gebied in Krugersdorp plaasgevind.

Shawn Herbst, woordvoerder van Netcare 911, het gesê paramedici is omstreeks 10:30 na die toneel ontbied. Daar het hulle die man, vermoedelik in sy 50’s, met verskeie skietwonde aangetref. Hy is op die toneel behandel voordat hy per helikopter na ʼn hospitaal geneem is.

Herbst het gesê die man is vermoedelik beroof toe hy geskiet is. Ernst wou egter nie oor die motief vir die skietery bespiegel nie en het gesê die omstandighede rakende die voorval word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Jaco

In SA, kan jy nie fiets gaan ry nie. Dis werk dan huis toe ry. Alles sluit en dag herhaal. Niks van uit gaan of fiets ry nie.

Gemaskerde Sopbeen

Daar is ‘n spreekwoord wat lui: “That which you allow, will continue”. Hoeveel sulke voorvalle was daar VOOR 1994? Hoeveel plaasmoorde VOOR 1994? Hoeveel moorde per dag VOOR 1994? Vra dan jouself af….Hoekom was daar nie sulke gedrag nie?

Jean

Sopbeen……almal ken daardie antwoord. Dis asof daar genot geput word uit die sinnelose boosheid..

Anoniem

Die mensdom het skielik geen respek vir ‘n lewe nie ! Waarheen is SA oppad, ‘n Ramp

marous

Uitvaagsels!