Man geskop toe hy betogers met verfbalgeweer ‘skiet’

’n Man is in Seepunt geskop dat hy bly lê het nadat hy ’n skare betogers kwansuis met ’n verfbalgeweer geskiet het.

Waarskuwing: Die klankbaan van die video bevat godslasterlike taal. Lesers wat aanstoot kan neem, word gevra om die klank af te skakel.

Die eienaar van ʼn Kaapse sekerheidsmaatskappy is uit die hospitaal ontslaan nadat ʼn skare betogers hom Vrydag op straat aangerand het.

Die man het blykbaar met ʼn verfbalgeweer geskiet op ʼn groep mense in Regentweg, Seepunt, maar hulle het hom te lyf gegaan en so erg aangerand dat hy op sy rug op die sypaadjie bly lê het, berig Cape Town Express.

Die video wat van die voorval geneem is, het ʼn beroering in die sosiale media veroorsaak, maar die man se naam is nie bekendgemaak nie omdat vir sy gesin se veiligheid gevrees word.

In die video kan gesien word hoe ʼn man iets wat na ʼn geweer lyk op die skare mense in die besige hoofstraat van die kusvoorstad rig. Eers loop ʼn man met ʼn wit banier na hom en dan volg nog mense.

Terwyl die man met die verfbalgeweer terugtree in die rigting van die motorhek van ʼn woonstelblok, skop ʼn man in ʼn rooi T-hemp hom. Hy word in ʼn hoek vasgedruk terwyl nog mense hom skop. Nadat hy blykbaar geval het, hou hulle aan om hom toe te takel.

ʼn Rukkie later daag ʼn polisiebeampte op en dan nog een, wat die skare laat spaander.

Die aanval hou blykbaar verband met die Dis-Chem-staking, want kort tevore het ʼn groep werkers en hul ondersteuners amok gemaak voor die winkel in die Point-sentrum oorkant die straat.

Sea Point : Cape Town members of EFF beating up a man.

Posted by Zain Soosiwala on Friday, 30 November 2018

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

64 Kommentare

jongste oudste gewildste
Katerina

Ai waarvoor moes hy nou gaan moeilikheid soek? So dom en onnodig. As hy nou dood was, wat van sy gesin? Totaal onnodig.

Koos de Meyer.

Verbal geweer. Neewat ‘n regte pistool sal beter werk. Ek sal my self verdedig. Dis al taal wat ‘n krimineel verstaan.

Sê maar net

Hy is met ‘n hammer ook oor die kop geslaan deur ‘n man met ‘n wit en swart hemp.

Jerry

Absoluut belaglik, n mens sou dink hierdie ou vat die koek, maar toe nou nie. AfriForum vat nog steeds die koek met die studente wat hulle na n baksteengeveg gestuur het met pepersproei!

Linda

Dis duidelik dat die aanvaller nie hul man kan staan nie, en een vir een kom, hul kom in n groep !!! sissy boys !!! shame !!!!