Man gesoek oor tiener se ontvoering, verkragting

'n Foto van die verdagte. Foto: Verskaf

‘n Foto van die verdagte. Foto: Verskaf

Die Cradock-polisie in die Oos-Kaap het Dinsdag die publiek versoek om op die uitkyk te wees vir ʼn 52-jarige verdagte wat moontlik verbind kan word met die vermeende ontvoering en verkragting van ʼn 13-jarige meisie.

Kapt. Stefanie Smith, polisiewoordvoerder, het Dinsdag gesê die beweerde ontvoering en verkragting het op 26 Augustus in die dorpie plaasgevind. Die man is ná die voorval in hegtenis geneem en moes op 20 Oktober weer in die hof te verskyn, maar hy het nie opgedaag nie.

ʼn Lasbrief vir sy inhegtenisneming is uitgereik.

Die man het kort, donker hare.

Mense wat weet waar die man hom mag bevind, word versoek om konst. Sibongile Ngesi by 079 414 5565 te skakel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
Drieks

Soms wens mens jy het nie die opskrif gelees nie. Kan jy op 52 regtig nie weet wat is dogtertjies en wat is tannies nie. Jy hoort nou in die ouma groep man!!!! Doodstraf….

snel

Stem saam Drieks, hoe het iemand nou die dag gesê…. sny sy water af. Dis siek, kinders moet beskerm word deur volwassenes, nie so beskadig en verniel word en hul hele toekoms opgeneuk nie. Hy het sy hele lewe gelewe, nou kom steel hy n gelukkige lewe van n weerlose jong meisie. Mag die publiek hom in die hande kry sodat niemand hom daarna ooit weer te siene kry nie…ruk hom uitmekaar.

Wonder-net

“Die man is ná die voorval in hegtenis geneem en moes op 20 Oktober WEER in die hof verskyn, maar hy het nie opgedaag nie.” HOEKOM is hy in die eerste plek, na sy eerste verskyning, nie in aanhouding gehou nie??????????????

Maritsa

Ek het hierdie ding gesien op facebook. As jy op die ou se profile ingaan, dan lyk dit meer asof hy en die meisiekind in n verhouding was, as wat hy ontvoer het. Die kind se ma was ook in n verhouding met hom gewees. Dit is nogal erg as jy die fotos sien wat hy gepost het van haar. Dit lyk werklik asof hulle in n verhouding was, En as jy die meisiekind se kommentaar ook gaan lees, dan lyk dit of sy totaal versot is op hom.