Argieffoto
ʼn 48-jarige man is in die Johannesburg streekhof gevonnis tot 20 jaar effektiewe tronkstraf vir roof en die onwettige besit van ʼn vuurwapen en ammunisie.
Kapt. Xoli Mbele, woordvoerder van die polisie, het gesê Tokelo Kgatle is tot 15 jaar gevonnis vir huisroof, 15 jaar vir die onwettige besit van ʼn vuurwapen en ammunisie en ʼn verdere twee jaar vir die besit van gesteelde goedere.
Volgens Mbele sal die vonnis gelyklopend uitgedien word en sal Kgatle effektief 20 jaar uitdien.
Drie verdagtes het 19 April 2017 om 09:30 ʼn 31-jarige vrou in haar huis in Booysens in Pretoria beroof.
“Die slagoffer was saam met haar kind in die huis toe ʼn verdagte sy hand oor haar mond gesit het en ʼn vuurwapen op haar gerig het. Die verdagtes het geld geëis en die huis geplunder,” het Mbele gesê.
Hulle het op die vlug geslaan toe haar man kom kyk het waar sy en hul baba is.
Hulle het met ʼn onbevestigde hoeveelheid kontant en haar selfoon gevlug.
“Die man kon daarin slaag om te hardloop en hulp te ontbied. Gemeenskapslede het die polisie in kennis gestel en hulle het vir Kgatle vasgetrek.”
Sy twee makkers kon daarin slaag om te ontsnap.
ALO
Waar is die aanklag van poging tot moord? Nee wat oms land is kla
Iets klink verdag, net een verdagte gekry. Dalk is iemand betrap……………………………