Man gevonnis na ongeluk waarin minister sterf

Amukelani Rikhotso. Foto: ANA

Amukelani Rikhotso. Foto: ANA

Die vragmotorbestuurder wat betrokke was in die botsing waarin Collins Chabane, minister van staatsdiens en administrasie, sy bestuurder en lyfwag dood is, is tronkstraf opgelê.

Amukelani Rikhitso (29) is in die Mankweng-landdroshof in Limpopo tot effektief ses jaar tronkstraf gevonnis, het kol. Ronel Otto, woordvoerder van die polisie, gesê. Sy bestuurslisensie is vir ses maande opgeskort en hy is onbevoeg verklaar om ʼn vuurwapen te besit.

Rikhitso het in April vanjaar skuld beken op drie aanklagte van strafbare manslag, bestuur onder die invloed van alkohol en roekelose of nalatige bestuur.

Hy het ʼn skulderkenningsverklaring van sewe bladsye by die hof ingedien. “Ek het berou omdat ek oor die wettige perk was. Ek het berou oor my optrede en weet dit is wetlik strafbaar,” het hy gesê. Volgens Rikhotso was dit nie sy bedoeling om te drink en te bestuur nie.

Maroela Media het vroeër berig die ongeluk het in die vroeë oggendure van Sondag 15 Maart 2015 op die N1-hoofweg naby Polokwane plaasgevind. Rikhotso het glo ʼn U-draai voor Chabane se motor gemaak.

Lees alle vorige berigte oor Collins Chabane op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Jan Jooste

Oscar kan by Rikhitso leer hoe ‘n man optree nadat hy gefouteer het.
Hy huil nie en word naar in hof nie. Hy vertel nie vier stories nie. Ongelukkig kon hy ook nie ‘n duur advokaat bekostig nie.
Hy verdien wel ‘n goue medalje vir manlikheid: Rikhitso erken en toon berou.

lynette

Maar hy het 3 mense se dood veroorsaak,eintlik vermoor want hy was dronk en ek hoor julle nie kla oor die LIGTE straf nie!!!!!

Andre

Daar word beweer dat die minister se kar teen ongeveer 200km/h gery het. Sou ‘n heeltemal nugter vragmotor bestuurder die ongeluk kon vermei?

Tong innie kies

Jan.100% in die kol.Oscar moes hom maar eerder gekry het om sy saak te verdedig.Die ou sou hom immers kon vertel hoe om op te tree tyden sy saak!

KarooKlong

Is die eerste keer vanaf die Vlakplaas era wat ek hoor ‘n man doen soveel erkenning uit sy eie – sonder dwang!