Man gevonnis vir brutale verkragting

Argieffoto

Argieffoto

ʼn 37-jarige man is tot tronkstraf gevonnis vir die brutale verkragting van ʼn 20-jarige vrou drie jaar gelede.

Lt.kol. Thulani Zwane, woordvoerder van die polisie, het gesê Sandile Sithole is in die Camperdown-streekhof tot 12 jaar tronkstraf gevonnis vir die verkragting, twee jaar tronkstraf vir aanranding en ʼn bykomende 18 maande tronkstraf vir diefstal. Die vonnisse sal gelyklopend uitgedien word.

Volgens Zwane het die verkragting in 2013 plaasgevind toe die vrou en vriende huis toe gestap het in Cato Ridge en agtergekom het die beskuldigde agtervolg hulle. Sithole het die slagoffer gegryp terwyl haar vriende daarin kon slaag om te ontsnap.

Sithole het die vrou na die kant van die pad getrek, haar met ʼn klip aangerand en toe verkrag. Hy het haar ook beroof en toe gevlug. Die vrou se vriende het later na die toneel teruggekeer en sy het vir hulle vertel wat gebeur het.

Sithole is kort hierna in hegtenis geneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Besorg

Alles goed. Dit beteken ek kan maar liewer moor, dan kry ek net 6 jaar tronkstraf.

Hendrik

Ons howe se vonnis oplegging vir die tipe misdaad is skokkend, dit gaan maak dat persone sal voort gaan want die vonnis is lig veral as jy so gou parool kry.

Voorlaaier

Maar net weereens i bewys hoe lagwekkend is ons regstelsel. I rug gelede is i televisie span beroof. Niemand beseer of aangerand ni. Net beroof. En hulle is elkeen 15 jaar gevonnis. Nou vra ek jou,…..

Joann

He he. Eerder moor as verkrag of roof. Ons nuwe SA

Joiann

Nou weet mens om liewer moord te pleeg en 6jr.tronkstraf kry as verkrag en 12jr.te kry