Argieffoto
ʼn 37-jarige man is in die Bloemfontein-streekhof gevonnis op aanklag van die verkragting van twee jong seuns.
Brig. Motantsi Makhele, woordvoerder van die polisie, het gesê die twee seuns het op 24 Oktober 2017 buite die beskuldigde se huis in Bloemspruit Phase 10 gespeel. “Hy het die twee seuns, onderskeidelik vier en ses jaar oud, na nabygeleë bosse gelok en die sesjarige seun verkrag. Hy het vir hulle R5 elk gegee en aangesê om nie enigiemand te vertel nie.”
Drie dae later, op 27 Oktober 2017, het die man dieselfde seuns geroep en dié keer die vierjarige seun verkrag. Hy het weer vir die seuns R5 elk gegee.
“Die sesjarige het een van sy vriende vertel wat gebeur het en die vriend het toe ouers in die gemeenskap ingelig. Die polisie in Bloemspruit is ontbied en ʼn 37-jarige beeswagter is in hegtenis geneem op twee aanklagte van verkragting,” het Makhele bygevoeg.
Die saak is in die Bloemfontein-streekhof afgehandel waar Lepita Nkoto, oorspronklik van Lesotho, tot twee keer lewenslank gevonnis is vir die verkragting van die twee seuns.
In SA beteken dit 1 x Lewensllank want vonnis word aaneenlopend uitgedien
Dit is siek. Hoe kan jy so iets aan ‘n kind doen?
SIEK, SIEK, SIEK!!! Het nie woorde!!!!!!
Ek is ‘n afgetrede Mans Pensioenaris en kan dit nie verstaan………………………..HOE VERKRAG EEN MAN ‘N ANDER MAN??? Ek is seker te onnosel!!!!!