(Argieffoto: Maroela Media)
ʼn Oos-Kaapse man is Sondag in die vroeë oggendure gewond toe twee mans glo in die huis ingebreek het op soek na alkohol.
Kol. Priscilla Naidu, polisiewoordvoerder in die Oos-Kaap, sê die 54-jarige man en ʼn vriend het in die huis in Motherwell geslaap toe twee mans die kombuisdeur oopgeskop en ingekom het.
“Hulle het drank geëis en toe hulle hoor daar is niks, het een verdagte ʼn skoot op die slagoffer probeer skiet. Die vuurwapen het nie gewerk nie en hulle het gevlug,” het Naidu gesê.
Enkele minute later is die verdagtes glo terug na die huis waar hulle wéér op alkohol aangedring het.
“Hulle is weer ingelig dat daar geen alkohol op die perseel is nie. Hierdie keer is twee skote afgevuur, waarvan een die slagoffer in die linkerskouer getref het.
“Die verdagtes het daarna weggehardloop.”
ʼn Saak van poging tot moord word ondersoek. Die verdagtes is steeds op vrye voet.
Cyril jou “people” man! Kyk wat maak die dronkies vir drank eish! Lyk my Covid en die verbod tas die mense se brein aan…
Was dit dalk ń sjibeen? Hoekom terug kom as jy weet die mense in die huis loop die narrow pad en smous nie met drank nie.
Nie almal wat drank in hulle huise het smous daarmee nie.
So begin die geweld uit desperaatheid om drank in die hande te kry. Ramaphosa, dit werk nie, het nie in die verlede gewerk nie en sal nooit werk nie. Intussen sit duisende sonder werk, biljoene liters wyn gaan verlore, die wynboere gaan onder, oorsee koop nie meer Suid Afrikaanse wyne nie agv die ewige drank verbod. Ander lande het ook “lockdowns” maar nie tot die mate wat in hier aangaan nie, of praat ek verkeerd?