ʼn 38-jarige man sal na verwagting Donderdag in die landdroshof in Kempton Park verskyn op aanklag van die onwettige besit van renosterhorings.
Kapt. Ndivhuwo Mulamu, woordvoerder van die direktoraat vir prioriteitsmisdaadondersoeke (die Valke), het in ʼn verklaring gesê die verdagte is Dinsdag by die OR Tambo Internasionale Lughawe voorgekeer toe hy glo op pad was na die Verenigde Arabiese Emirate.
“Altesaam 20 renosterhorings van omtrent 30 kg is in die verdagte se bagasie gevind,” het Mulamu bygevoeg. “Hy is dadelik in hegtenis geneem. Hy staan tereg op aanklag van die onwettige besit van renosterhorings en oortreding van die Wet op Omgewingsbestuur.”
Dis dieselfde as met koperkabels. Solank daar ‘n afset gebied is sal dit nooit ophou nie. Alles gaan oor geld, swaar strawwe maak hulle nie eers bang nie.
Hoe daag jy op by ‘n lughawe met 20 renosterhorings in jou tasse….en dink jy gaan nie gevang word as daardie tasse geskandeer word nie? IK van 70??
Sjoe Sopbeen.
Jy is darem baie rojaal met ik punte vir hierdie swernoot . . .
Ek hoop die Valke gaan inligting by hom kry oor waar en hoe hy daai groot aantal renosterhorings bekom het en dat daar nog persone gearresteer gaan word.Hy’s duidelik nie aleen in die’ bedryf nie.