Argieffoto: Maroela Media
Die polisie is op die spoor van twee verdagtes nadat ’n man Woensdag helder oordag in sy huis op ’n plaas buite Louis Trichardt in Limpopo oorval en aangerand is.
Kol. Moatshe Ngoepe, woordvoerder van die polisie, het aan Maroela Media gesê die man (35) is omstreeks 11:00 in die plaashuis in die omgewing van Witvlagweg aangeval terwyl hy besig was om kos te maak.
Volgens Ian Cameron, AfriForum se nasionale hoof van gemeenskapsveiligheid, het die man voetstappe elders in die huis gehoor waarna die twee mans wat met ʼn mes gewapen was hom oorval het.
Die man het tydens die aanval snywonde aan sy arms en bene opgedoen. Hy is ook met ʼn voorwerp oor die kop geslaan voordat die aanvallers met kontant op die vlug geslaan het, het Cameron gesê.
Volgens Ngoepe is niemand nog in verband met die voorval in hegtenis geneem nie en ondersoek die polisie ʼn saak van huisroof.
Ngoepe het ʼn beroep op die gemeenskap gedoen om enige inligting wat tot die inhegtenisneming van die verdagtes kan lei, by Stop Misdaad by 08600 10111 of die naaste polisiestasie aan te meld.
Die man is op sy arms en bene gesny en oor die kop geslaan met ‘n voorwerp, maar net ‘n saak van huisroof word ondersoek
So kook hulle misdaad statistiek sodat hulle aan die einde van die jaar kan se daar is geen plaas aanvalle nie.
Miskien moet iemand wat weet, sê wat huisroof beteken. Miskien sluit dit bykomende aspekte in.
Ek het volle begrip vir alle aanvalle tuis, maar ons moet asseblief almal na ons persoonlike sekuriteit probeer omsien! Só kan aanvalle verminder word!
Siek reg stelsel…nes die regeering
Baie swak beskrywing van die aanvaller
GP ek stem so saam met jou. Alles word onder die mat ingevee
Waarom nog nie n berig oor die 2 broers van Bela Bela wat verlede week geskiet is. Die Pos Koerant
Saak van HUISROOF???? Maar daar was dan visiese sny wonde. Hoe te hel…
Ek is ‘n melkboer en informele nedersetting grens aan die plaas. Wat nou gebeur in ons land laat my vrees vir ons lewens. Veral as ‘n mens 3uur in die oggend uit die huis moet gaan melkstal toe en dan jou vrou en kinders by die huis alleen los. Die mense leer ons patroon aan en hou ons dop. Weet waneer jy opstaan en na jou bakkie stap. Weet nie meer wat om te doen sodat mens net veilig kan voel nie.
Dit hou net nie op nie…..
Koos,
Jou feite is nie korrek nie. Sover ek onthou was die een wat weke in die tronk was op n onverwante saak in hegtenis geneem.
Is daar nou elke dag ñ plaasaanval???
die polisie is op die verdagtes / aanvallers se spoor
al spoor wat *die* polisie raaksien is die spoor van die wat voor hom uit die polisie stasie gestap het, huistoe, se voetspore
Poging tot moord en huisroof. Hulle het nie kom koek en tee nie.
Stem saam jou