(Foto: Netcare 911)
’n Man het Maandagmiddag ernstige brandwonde opgedoen toe ’n transformator in Johannesburg ontplof het.
Shawn Herbst, woordvoerder van Netcare 911, sê paramedici is kort voor 15:00 na die hoek van Struben- en Sirkelstraat ontbied waar hulle met hul aankoms ’n man met ernstige brandwonde aangetref het.
Die man het aan ’n transformator gewerk toe dit ontplof het.
Die man is op die toneel behandel voordat hy na ’n nabygeleë hospitaal vervoer is vir verdere mediese behandeling.
Daar kon nie op die toneel vasgestel word of die man ’n beampte van die Stad Johannesburg se elektrisiteitsdepartement is nie, sê Herbst.
Tien teen een ‘n kabeldief, as ek moet raai.
Kan dalk ‘n kabeldief wees wat sy prakties kom doen het om sy diploma te kry.
JHB behoort te weet of dit een van hulle personeel was of ‘n saboteur