Man in hof ná bedrieglike padongelukkefonds-eis

Argieffoto: Kent Williamson

ʼn 23-jarige man het Maandag voor ʼn Kaapstadse hof verskyn nadat hy vroeër verlede jaar ʼn oneerlike eis by die padongelukkefonds (POF) ingedien het.

Cheslyn Shaundre Trouncelle het beweer hy was ʼn passasier in ʼn motor wat betrokke was in ʼn eenmotor-botsing waarin die bestuurder in Delft, op die Kaapse vlakte, dood is.

Trouncelle het gesê hy kan nie enige besonderhede oor die ongeluk onthou nie, maar vermoed hy sal ook nooit klarigheid oor die saak kry nie omdat daar nie ander motors in die ongeluk betrokke was nie.

Hy sê sy lewe het ingrypend verander ná die ongeluk.

Simone Liedeman, die staatsaanklaer, het egter Maandag in die hof bewys dat Trouncelle die bestuurder van die motor was, en dus nie geregtig is op ʼn eis van die padongelukkefonds nie.

Die POF het die eis van die hand gewys.

Trouncelle sal weer op 28 Junie in die hof verskyn wanneer hy gevonnis word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.