Man in hof ná hy glo polisiekaptein aanval

Karel Johannes Rossouw (Foto verskaf deur SAPD Limpopo)

Karel Johannes Rossouw (Foto verskaf deur SAPD Limpopo)

Karel Johannes Rossouw het Woensdag in die Polokwane-landdroshof verskyn op aanklag dat hy ʼn polisiekaptein vroeër die week aangeval het.

Rossouw staan tereg op aanklag van poging tot moord, roof en crimen injuria nadat hy die 56-jarige polisiekaptein Maandag langs Mall of the North na bewering aangeval het, het brig. Motlafela Mojapelo, woordvoerder van die polisie in Limpopo, gesê.

“Die kaptein is in ʼn ernstige maar stabiele toestand in ʼn hospitaal in Pretoria,” het hy bygevoeg.

Mojapelo het verduidelik die voorval het plaasgevind toe die verdagte die kaptein na bewering ná ʼn argument aangerand het. “Die kaptein het om sy lewe geveg toe hy ná die voorval na ʼn hospitaal in Pretoria gevlieg is. Hy het verskeie tande verloor tydens die aanranding.”

Dit is nog nie duidelik waaroor die twee mans baklei het nie. Die kaptein is nog nie in ʼn toestand om te kan praat nie.

“Die verdagte het na bewering die polisiebeampte oorrompel, sy amptelike vuurwapen gegryp en gedreig om hom te skiet. ʼn Verbyganger kon die vuurwapen by die verdagte afneem, maar die verdagte het die polisiebeampte bly aanrand totdat hy sy bewussyn verloor het.”

Die polisie is na die toneel ontbied en die man is in hegtenis geneem. Die polisie het die polisie-vuurwapen gevind.

Rossouw bly in aanhouding tot 5 Januarie 2017 wanneer hy aansoek kan doen om borgtog.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Buurman

Frustrasie, hy moes n goeie rede gehad het. Kaptein dalk arogant.

johan

weet ek weet nie hoe julle dink nie. hoekom iemand aanhou aanrand totdat hy half dood is , maak nie saak wat die omstandighede is nie ,met die hedige omstandighede in ons land , moet mens baie baie geduldig wees ,anders sit jy in die tronk, daar is baie plekke wat jy kan kla oor polisie se gedrag……

chantelle

wat ek nie kan verstaan nie, hkm word die beskuldiges van die vorige plaasaanvalle nie ook aangekla van poging tot moord nie… daardie beskuldiges word aangekla vir aanranding nadat die arme boere mof geslaan is??? ? en van hul nog in die hospitaal is.

Jan maak n Plan

Ek stem saam met Buurman en Zahn hierbo. Party polisie lede dink hulle is wie, as hulle in uniform is. kan maak en breek en se wat hulle wil en vir wie hulle wil. Ek glo nie die kapteintjie is so onskuldig soos wat voorgegee word nie. Wat vir my ook ironies is dat hy gou deur gevlieg is Pretoria toe, maar as n boer op n plaas aangeval word, is dit een helse gesukkel om vir hom ordentlikke mediese versorging te kry.

gatiep

In Rusland het hulle stres kammers waar hulle ou tv en meubels insit wat jy kan gaan stukkend slaan om van jou stres ontslae wil raak. Geen grap
Ek sal nie die man veroordeel nie want die magteloosheid van ons in die land maak mens so kan met enige mens gebeur.