Argieffoto
Dumisani Nene (37), wat tereg staan op aanklag van poging tot moord op ʼn polisiebeampte, het Donderdag in die Potchefstroom-landdroshof verskyn.
Sy saak is tot 8 Julie uitgestel waar hy formeel kan aansoek doen om borgtog. Hy bly intussen in aanhouding.
Nene word daarvan beskuldig dat hy ʼn 33-jarige sersant op 28 Junie 2019 met ʼn mes gesteek het by Extention 11 in Ikageng buite Potchefstroom. Die polisiebeampte was glo besig om die man in hegtenis te neem in verband met ʼn klag van diefstal wat in Junie 2019 plaasgevind het.
Lt.kol. Amanda Funani, woordvoerder van die polisie, het gesê volgens inligting het die verdagte hom teen die inhegtenisneming verset, die polisiebeampte twee keer met ʼn mes gesteek en daarna van die toneel gevlug. “Die beampte is na ʼn hospitaal gehaas waar hy behandeling ontvang het. ʼn Soektog is van stapel gestuur en die verdagte is uiteindelik op 2 Julie in Ikageng aangekeer.”
Hoe is dit moontlik dat hy nie uit self verdediging op getree het nie. Hoeveel polisie moet nog vermoor word.
Hoekom poging tot moord?
As dit ‘n wit boer was dan sou slegs ‘n klag van aanranding gemaak word.
Hoekom het die polisie man hom nie geskiet nie? Dis mos self verdedeging.
Ek hoop hy kry ‘n STEWIGE vonnis!