Man in hof ná rasse-uitlating oor Diwali

Argieffoto

Argieffoto

Johannes David “Dawie” Kriel het Maandag in die Durbanse landdroshof verskyn ná hy rassistiese uitlatings op Facebook gemaak het rakende Diwali-vieringe.

Kriel staan tereg op aanklag van crimen injuria nadat hy op Facebook geskryf het: “To those idol worshippers and devil disciples who buy them in the name of religion, p*ss- off to your dark hole in the backwoods of India you d*ckhead.”

Staatsaanklaer Roshiela Benimadho het aan die hof gesê die staat is in kennis gestel dat die beskuldigde beplan om skuld te bely in die saak.

Kriel het dit ook aan landdros Thema Sishi bevestig. Die saak is tot 17 Januarie uitgestel waar Kriel formeel sal pleit.

Diwali is die Hindu- fees van ligte, en simboliseer vir gelowiges die oorwinning van lig oor donker, goed oor kwaad, kennis oor onkunde, en hoop oor wanhoop.

Die Diwali-vuurwerkvertoning in Durban is jaarliks ʼn twisappel tussen diereliefhebbers en diegene wat Diwali met vuurwerke wil vier.

Maroela Media het vroeër berig Kriel het die inskrywing vinnig verwyder en om verskoning gevra. Hy het gesê hy het die aand met troeteldiere gewerk wat deur die vuurwerke geraak is. “Ek was so emosioneel toe ek die inskrywing gemaak het. Ek het dit vinnig uitgevee, maar dit was te laat. Ek verstaan dat dit pyn en woede veroorsaak het, maar ek wil ook graag hê hulle moet my pyn en woede verstaan toe ek met die diere gewerk het,” het Kriel aan East Coast Radio gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Manie

Jy kan jammer sê soveel as wat jy wil. Dit gaan geen verskil maak nie. Jy het moeilikhed wat jy nie kan hanteer nie.

Grietjie

Ek hoop regtig ‘n afrikaner leier vat hom vas…dit was onnodig en aspris. Hier IS nog godsdiensvryheid in dié land..

Nicky

Manie en Grietjie die man het dit nie teen godsdiensvryheid nie maar teen die gepaardgaande vuurwerke. Julle weet duidelik nie wat vuurwerke aan diere doen nie.

popeye

I am looking for a book… what book?.. Facebook. Bly weg van daai QuaQua as jy dit nie kan hanteer nie!!!

jaco

Hoekom het hy dan niks oor die vuurwerke van Guy Fawkes Dag gesê nie? Watter afgode word dan aanbid? En watter afgode aanbid ons klapperskieters op Nuwejaar?