Foto bloot ter illustrasie. (Argieffoto)
ʼn 26-jarige man het Maandag in die hof verskyn nadat sy vriendin verskeie liggaamsdele in ʼn vrieskas by sy woonplek ontdek het.
Flavio Hlabangwane se vriendin het Saterdag op dié gru-vonds afgekom terwyl hy haar na bewering alleen in sy gehuurde kamer in Protea Glen, Soweto, gelos het.
Volgens Phindi Mjonondwane, woordvoerder van die Nasionale Vervolgingsgesag (NVG), het die vriendin om hulp geroep nadat sy die liggaamsdele ontdek het.
Hlabangwane is kort daarna in hegtenis geneem.
“Die verdagte het Maandag in die Protea-landdroshof op aanklag van moord verskyn,” sê sy.
“Hy sal tot 22 November in polisieaanhouding bly om hom kans te gee om vir regsverteenwoordiging by Legal Aid South Africa (LASA) aansoek te doen.”
Die liggaamsdele is vermoedelik almal vroulik, maar dit is nog nie duidelik hoeveel slagoffers betrokke is nie.
Mjonondwane het aan Maroela Media bevestig dat die liggaamsdele na ʼn forensiese laboratorium gestuur is om geïdentifiseer te word.
Dankie aan die vriendin dat sy so vinnig opgetree het, wie weet, dalk was sy volgende. Siek. Kan nie glo hy word tyd gegun om vir homself regshulp te kry nie.
Weereens ‘n bewys dat die waarheid een of ander tyd blootgele sal word. Kriminele dink hule gaan altyd wegkom met hulle dade. Net bly die vriendin is veilig!
En die vcriendin was sekerlik volgende….
Dit is vreeslik om te dink daar loop baie van die soort los in SA
scary!
Sjoe, ons lees deesdae net van moord, selfmoord, bedrog, diefstal, geldwassery. Wat het van ons mooi Suid-Afrika geword?
Hoe verwronge het die mens nie geraak nie ?
Is dit nie Protea Glen nie?
Dagsê Anonymouse
Ons vra om verskoning vir die oorsig, dit is inderdaad Protea Glen. Die artikel is gewysig.
Dankie! Groetnis
Megan
nms Maroela Media