ʼn 62-jarige man wat daarvan beskuldig word dat hy onverwerkte platinum ter waarde van ongeveer R800 000 in sy besit gehad het, het Vrydag in die Brits-landdroshof verskyn.
Kapt. Tlangelani Rikhotso, woordvoerder van die direktoraat vir prioriteitsmisdaadondersoeke (die Valke), het gesê Orelio Capazario is vrygelaat op borgtog van R5 000. Die saak is tot 30 Maart uitgestel vir verdere ondersoek.
Capazario is Donderdag in Hartbeespoortdam in hegtenis geneem toe die Valke op ʼn laboratorium toegeslaan het. “Ondersoekbeamptes het die man betrap waar hy glo besig was met die smeltproses.”
Daar is beslag gelê op sakke vol onverwerkte platinum, chemikalieë en verwerkingstoerusting.
Ag shame man….hy volg maar net in die voetspore van die regeering….of gaan hy nou parlement toe?