Man in hospitaal doodgeskiet

Argieffoto

Die polisie stel ondersoek in ná ʼn 34-jarige man in die Emalahleni-hospitaal in Witbank, Mpumalanga, doodgeskiet is.

Die slagoffer is aanvanklik Woensdagaand omstreeks 21:50 opgeneem in die hospitaal met skietwonde aan sy bors. “Volgens inligting tot die polisie se beskikking was die slagoffer Saterdagaand omstreeks 18:45 in ʼn hospitaalsaal saam met ander persone toe die verdagte die saal betree het,” het brig. Leonard Hlathi, woordvoerder van die polisie, gesê.

“Die slagoffer het glo die man herken en hulle het dadelik begin baklei. Die bakleiery het in die gang in beweeg. Die verdagte het ʼn vuurwapen te voorskyn gebring en die slagoffer ʼn paar keer geskiet. Hy het daarna die hospitaal verlaat.”

Lt.genl. Mondli Zuma, provinsiale polisiekommissaris, het die voorval veroordeel en gesê die polisie sal nie rus totdat die oortreder agter tralies is nie.

“Niemand is nog in hegtenis geneem nie. Enigiemand met inligting word versoek om 10111 te skakel of kontak Crime Stop anoniem by 08600 10 111.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

21 Kommentare

KrokodilBotha ·

Met die stand van gesondheids dienste , en swak diens …………

SêMaarNetEen ·

Dis ‘n vuil haglike staatshospitaal en ek sal weet want ek ken die plek….. vieslik verby. Ek moes ‘n kramende vrou al daar aflaai en dibk amper sy sou beter af gewees het om tuis te kraam. Kos het orals in die gange gelê (kfc bokse) en daar was nie linne nie. So wat nog van ‘n kamera?

HPV ·

Ons moes tydens ons diensplig doodsakkers betree en veg sodat die land nie in ‘n doodsakker verander nie, ons was duidelik onsuksesvol.

Realis ·

Nee, julle was suksesvol, maar julle was uitverkoop vir 30 sikkels silwer.

Trots Afrikaans ·

Ja-nee. Dit is nou baie meer gevaarliker as in die oorlog. Die ergste is dat in die oorlog was dit net jy, nou is jou hele gesin saam met jou in hierdie doodsakker….

Vra net ·

Dis kommerwekkend. Is daar nie sekuriteit nie? Daar word verwys na ander mense in die saal. Kon hul nie alarm maak nie? Sjoe!!

Maljan ·

Alweer n geval dat die oortreders se menseregte baie meer tel as die regte van wetsgehoorsame burgers om in veiligheid te lewe.

Baardman ·

Ek vra dieselfde vraag of het daardie mense net staan en kyk.was nie eers bang vir die vuurwaen nie of wat gaan aan?

Sê net ·

Hulle sal nie alarm maak nie. Dit sal ‘n goeie video op die selfoon bederf. Almal het waarskynlik dadelik na die foon gegryp i.p.v. die skieter gryp.

HPV ·

David, baie meer ooreenkomste met Mad Max flieks, die verskil egter , hier is baie erger anargie as in daardie flieks.

jakes ·

Broer, dis die Willeweste nou in SA. Alles is cool, geen morele waardes, geen respek vir lewe en misdaad ken geen perke.

Malhan ·

Enige een met inligting? Wat van die mense wie saam met hom in die saal was? Tel MENSEREGTE weer meer as wet en orde? Behoort die REG OP N GOEIE VEILIGE LEWE nie net so n fraksie meer as n booswig se menseregte te weeg nie?

ZeldA ·

Sover ek weet… gaan jy by n boomgate in en uit?? Hoe het dit gebeur dat hy dan wegkom?

JMH ·

Mens kan in en uit loop ook en ek gaan beslis nie ‘n man wat pas iemand 5 skote geskiet het konfronteer nie. Vir die wat wonder, die situasie is nie net okay vir almal nie. Die hele hospitaal (behalwe sommige dokters) staak oor hulle voel hulle werk area is onveilig (daaroor sal meeste mense ook seker ‘n probleem he, maar wat wil mens he moet die mense doen). Hulle dring aan op veilige werksomstandighede, ongelukkig is daar baie pasiente wat nou ly daaronder. Ek dink dit kan op enige plek en onder ander omstandighede ook gebeur het

Michael P ·

ZeldA, Onthou die securiteit is nie opgelei nie hulle word n uniform gegee en se gaan kry die dag om. Ongelukkig is dit maar nou so en dit is die waarheid. Dit is hoekom hy weg gekom het by die tyd war die personeel reageer op so n insident is die skelm al in Pretoia.

KrokodilBotha ·

Ook bygese, die polisie wag nou vir n wenk waar die skurk woon, sy naam en id nommer.

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.