Man in huisroof doodgeskiet

polisie-huisroof-crime

Argieffoto: SAPD/Facebook

ʼn 36-jarige man is Saterdagoggend tydens ʼn huisroof in Westville in Durban doodgeskiet.

Lt.kol. Thulani Zwane, provinsiale polisiewoordvoerder van KwaZulu-Natal, het aan Maroela Media gesê drie verdagtes het omstreeks 05:00 inwoners van ʼn huis in Duncanrylaan oorval.

“Die verdagtes het na bewering die man geskiet voor hulle gevlug het met juwele, motorsleutels, selfone en ʼn beursie,” het hy gesê.

Chris Botha, woordvoerder van Netcare 911, het gesê die man het nog gelewe toe paramedici by die huis opgedaag het. “Paramedici het nagenoeg ʼn halfuur gepoog om die man te stabiliseer, maar dit was tevergeefs. Hy is op die toneel dood verklaar,” het Botha gesê.

Die polisie ondersoek ʼn saak van moord en huisroof. Niemand is nog in verband met die voorval in hegtenis geneem nie.

Die man se naam is nog nie bekend gemaak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

19 Kommentare

jongste oudste gewildste
Marianne

Waarom die man skiet????? Dit dien geen doel nie! Ek voel jammer vir sy naasbestaandes, geroofde goedere kan vervang word. ‘n lewe nie.
Die doodstraf moet terug gebring word om Suid Afrika te beskerm…
Ek glo nie die ware misdaad syfers is ge-openbaar nie!

Rapes

Vergeet maar daarvan die doodstraf sal nooit terug kom nie. Elke persoon sal homself moet beskerm deur jou woning in ‘n tronk te verander. Skaf vir jou ‘n op en wakker hondjie aan om jou te waarsku en laat die voor jou bed slaap. Bewapen jouself en maak seker jy’s wapen vaardig.

rudi

Dankie Maroela Media omdat jul die enigste nuusblad in die land is wat nog sinnelose moorde plaas. Soms word mens siek van al die slegte nuus maar dit is die enigste manier hoe mens nog in kontak bly met realiteit. Jul plasings maak mens meer bewus van die gemors wat op die strate dwaal. Die enigste oplossing is n regering wat die tronke baie slegter maak om na toe te gaan. Hul moet handearheid heeldag doen met min kos en niks selfone tv of wifi nie.

g..vol vi Govt

Statistieke glo ek is liegstories. Nie eers op radio en tv hoor ons van al die moorde nie. Govt stel net daarin belang om hulself te verryk. Ons Burgers se lewe en veiligheid beteken vi hul minder as nix

William

Ek dink ons moet ons belastings weerhou. Maak ons huise veilig en beveilig onself met daardie geld. Die regering doen niks en gee nie om vir ons nie. Ons geld word gebruik om vir hulle veiligheid te verseker