Man in parkeerterrein doodgeskiet

ʼn 37-jarige man is Saterdagoggend in die parkeerterrein van ʼn winkelsentrum in Somerset-Wes doodgeskiet.

Lt.kol. Andrè Traut, woordvoerder van die polisie, het gesê die voorval het omstreeks 08:50 plaasgevind. Volgens Traut vermoed die polisie dat die man doodgeskiet is in ʼn poging om sy motor te steel. “Die twee verdagtes het gevlug en is nog nie in hegtenis geneem nie.”

Traut het gesê die presiese omstandighede rondom die voorval word ondersoek.