Die polisie in Oos-Londen het ʼn dringende beroep op lede van die gemeenskap gedoen om te help om ʼn 34-jarige man met Down se sindroom op te spoor.
Kapt. Mali Govender, woordvoerder van die polisie, het gesê Ryan Meyer (34) het vir sy pa, ao. Floyd Meyer, in ʼn blou Mazda 3 voor ʼn bandewinkel in Cambridgestraat gewag.
Die pa is ook die eienaar van die winkel.
“Terwyl die eienaar (die pa) binne die winkel besig was en sy seun vir hom in die motor gewag het, het ʼn onbekende man in die voertuig geklim en met die seun weggery,” het Govender gesê.
Die registrasienommer van die motor is FFM2187 EC.
Govender het gesê die pa is ongelooflik getraumatiseerd oor die voorval.
Die polisie het ʼn dringende beroep op enigiemand met inligting oor die voorval gedoen om die misdaadstoplyn by 08600 10111 te skakel.
Ons bid dat Ryan veilig is.
Is die registrasie nommer reg?
Ek woon self in die Oos-Kaap – die voertuig se registrasienommer is beslis foutief deurgegee!
Maroela kan beslis help met die regstelling!
Skyn lyk ook nie reg vir my nie. Kan Maroela net bevestig…