Man kritiek ná elektriese skok

Foto: Netcare 911

ʼn Man is Donderdagmiddag in ʼn kritieke toestand na ʼn hospitaal gehaas nadat hy tydens ʼn elektriese skok brandwonde oor sy hele liggaam opgedoen het.

Shawn Herbst, woordvoerder van Netcare 911, sê paramedici is omstreeks 12:50 na die toneel in La Lucia by Umhlanga aan die KwaZulu-Natalse kus ontbied.

“Volgens inligting van die toneel het die man 100% brandwonde oor sy hele liggaam opgedoen nadat hy met ʼn elektriese transformator in aanraking gekom het. Hy is op die toneel vir kritieke beserings behandel,” het Herbst gesê.

Volgens Crisis Medical, wie se paramedici ook op die toneel was, is die man moontlik ‘n boemelaar wat skuiling in ‘n substasie gesoek het toe die voorval gebeur het. Hy is na die Addington-hospitaal in Durban geneem.

Die toneel is deur die owerhede afgesper om die voorval te ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Muffin ·

Niu wat soek die man by n elektriese transformator. Seker koper draad.

Nettie ·

“Dom kry soos wat Dom doen” – nietemin, eish! Dit moet baie eina wees.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.