ʼn Lugambulans is weens die erns van sy beserings ontbied. (Foto: Netcare 911)
ʼn Man is in ʼn kritieke toestand gelaat nadat hy Donderdagmiddag tydens ʼn motorkaping in Roodepoort, Johannesburg, geskiet is.
Shawn Herbst, woordvoerder van Netcare 911, het gesê paramedici is omstreeks 16:51 na die toneel in Wilropark ontbied.
By hul aankoms op die toneel het hulle die man, vermoedelik 44 jaar oud, met skietwonde aan sy bors, maag en arm in sy motor aangetref.
Na bewering het kapers in Doreenweg op die motoris toegeslaan, maar hy kon daarin slaag om ná die voorval sowat 2 km verder na die naaste vulstasie in CR Swartweg te ry om hulp te ontbied, het Ross Campbell, woordvoerder van ER24, verduidelik.
ʼn Lugambulans is weens die erns van sy beserings ontbied waarna die man na ʼn hospitaal geneem is.
Min besonderhede rondom die voorval is in dié stadium bekend.
Sal seker weer die maklike uitweg vat en se dit is zama zamas en dit weer net daarby los, die SAPD beteken niks na my mening.
Ek stem saam. Hulle weet nie eintlik hoe om die speurwerk ordentlik te doen nie. Dis hoekom mense soos Bolhuis so hoog aangeslaan word, want hy ken sy werk.
Bolhuis sal seker sê hy was op die verkeerde tyd op die verkeerde plek
Vat jy die woorde so reg uit my gedagtes. . .
Die regering weet presies wat aangaan. Dit is dan wat hulle wil hê! dat blankes uitgemoor word!!!!
Sanef gaan uiteindelik aksie teen Malema neem na tirade oor beriggewing oor Venda-bank se plundering.
Doen moeite om berigte te lees omtrent sy opdrag aan sy volgelinge. te gaan lees.
Hy het darem die vulstasie gehaal . Wat sal harris nou se ? zama zama ?
Liewe Vader vandag word mense in ons land af gemaai soos vliee geen respek meer vir n lewe nie dalk moet hierdie regering begin wakker word en sien wat gebeur niemand meer veilig nie.
Daar behoort ‘n wet te wees wat kapers verhoed om op motoriste te skiet as hulle nie hul rygoed vreedsaam wil afgee nie.
Donderdagnag het Daryl Kotze vanaf die lughawe na Durban gery op die N3 en vier skote is deur sy Fortuner geskiet terwyl hy op die N3 was. Waarskynlik aangesien vir iemand anders en hy is in ‘n hospitaal, volgens berigte in ‘ ‘n kritieke toestand’, (maar kritiek genoeg dat hy reeds op facebook daarvan kon vertel).
Maandag oggend is Wasim Joseph Scott dood geskiet buite sy woonstel in Overport. Hy was klaarblyklik in gesprek met iemand voor hy geskiet is.
Maandagoggend is ‘n brandweerman in Bonela doodgeskiet en van sy vuurwapen beroof, na hy op ‘n dringende uitroep reageer het.
As ons hierdie land wil beoordeel na gelang van wat ons sien in die media, sal ons kritiek nie heftig genoeg wees nie. Slegs enkele insidente haal koerantberigte.
Anoniem, ek is seker die regering sien al die dinge raak. Hulle gee net nie om nie. Solank daar belastingsbetalers is, lewe hulle in weelde met hul lyfwagte aan hul sy. Al wat hul in ruil hoef te doen vir al die weelde, is om net voor die verkiesing allerhande pragtige beloftes te maak aan hul stemmers.