ʼn Veiligheidswag is in ʼn ernstige toestand na die hospitaal gehaas nadat hy Sondagmiddag tydens ʼn rooftog by die Forest Hill-winkelsentrum in Centurion in die bolyf geskiet is.
Die voorval het glo by ʼn Vodacom-winkel in dié sentrum plaasgevind.
Annine Siddall, ER24-woordvoerder, sê die man was glo in die parkeerterrein met die aankoms van die nooddienste.
Ná hy gestabiliseer is, is die man na ʼn nabygeleë hospitaal geneem vir dringende mediese behandeling.
Dit is in dié stadium nie seker of enigiets in die voorval gesteel is nie. Die polisie kon nie onmiddellik vir kommentaar bereik word nie.
Dis naweek so om die polisie vir kommentaar in die hande te kry sal haas onmoontlik wees.Hulle hou nog sie`sta!
Sentrums wemel van sekuriteitsmanne. Waarom gebeur hierdie tipe ding steeds?!