Argieffoto
ʼn 29-jarige man is in ʼn kritieke toestand nadat hy ongeveer 15 meter ver in Hillcrest, KwaZulu-Natal, geval het.
“Die man het op sy rug in die middel van die werkarea gelê toe paramedici by die toneel in Shepstoneweg opgedaag het,” het Russel Meiring, woordvoerder van ER24, in ʼn verklaring gesê. “Hy het beserings aan sy arms, bene en rug opgedoen.”
Die man is na die Hillcrest-hospitaal geneem vir verdere behandeling.
Hy het vermoedelik gegly en toe deur die plafon van die dak geval.
