Man kry lewenslank vir moord op plaasbestuurder

Luan Preston (Foto: Facebook)

Vincent Mziwenkosi Cele (33) is Maandag lewenslange tronkstraf in die hooggeregshof in Pietermaritzburg opgelê vir die moord op ’n plaasbestuurder van KwaZulu-Natal vroeër vanjaar.

Luan Preston is in Junie vanjaar in sy kamer op ’n plaas tussen Port Shepstone en Oslo-strand verskeie kere met ’n voorwerp gesteek en verwurg. Die plaas is sedertdien geïdentifiseer as David’s Farm.

Brig. Jay Naicker, woordvoerder van die polisie, het gesê Cele is ook agt jaar tronkstraf opgelê vir huisbraak asook ʼn verdere 12 jaar tronkstraf vir roof.

Volgens Naicker het Cele ná die moord op Preston met selfone, ʼn televisiestel en juwele op die vlug geslaan. Hy is sowat ʼn maand later deur ʼn speurspan van Port Shepstone aangekeer.

Maroela Media het vroeër berig daar was ten tyde van die moord geen gedwonge toegang tot die kamer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Carel

Lewenslank op papìer dalk

Danie

Ja ne, one down vir Malema se aanhutsing.
Agter die skerms lag hulle.

Baardman

Hoekom kan al die moordenaars nie so gou en goed gestraf word nie.

Laetitia

Ai! So mooi seun. So onnodig!

Kiki

Twee maande en die saak is afgehandel?????? kan dit wees?