Man lewenslank tronk toe na hy 7-jarige verkrag en vermoor

Argieffoto

Argieffoto

‘n Man is in die Scottburgh-streekhof in KwaZulu-Natal tot lewenslange tronkstraf gevonnis vir die ontvoering, verkragting en moord op ‘n sewejarige meisie.

Kol. Jay Naicker, woordvoerder van die polisie, sê Sizwe Thando Dlamini (22) is op die aanklag van verkragting tot lewenslange tronkstraf gevonnis sowel as ‘n bykomende 10 jaar vir huisbraak en ontvoering en 15 jaar vir moord. Die vonnisse sal gelyklopend uitgedien word.

“Hy is ook onbevoeg verklaar om ‘n vuurwapen te besit en die hof het gelas dat sy naam in die nasionale register vir seksoortreders aangebring word,” sê Naicker.

Dlamini het Nonhle Mellisa Gumede in Oktober van haar ouma se huis in Amandawe ontvoer. Nonhle en haar suster (3) het saam met hulle tannie by hul ouma se huis gaan slaap.

Die huis se deur was nie gesluit nie aangesien die tannie uit was en glo laataand sou terugkeer. “Toe die ouma omstreeks 1:40 wakker geword het, het sy gesien Nonhle is weg en dat die deur oopstaan. Die tannie het teen die tyd nog nie teruggekeer nie.”

Nonhle se liggaam is sowat ses dae later naby ‘n rivier gevind. Dlamini is eers op 1 Julie in hegtenis geneem nadat ‘n wenk ontvang is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

AmY ·

Dis so jammer die doodstraf is weggneem. Hierdie man moes gehang het.Jammer, ek weet dit klink wreed, maar waarom mag hy reg op lewe hê as hy ‘n jong kind van die lewe ontneem het?

Nou ‘n vraag: Hoe lank voor hy op parool ‘vir goeie gedrag’ uit is?

Hippie_Chick ·

Ek stem saam Amy, maar ek het die boek Mens of Monster gelees. Ek weet nie of jy al van dit gehoor het nie, maar die vrou het onderhoude ens gevoer met mense wat in die tronk is, en hulle almal het gese dat enige persoon wat tronk toe gaan a.g.v. verkragting teenoor ‘n kind of die moord op ‘n kind, is daai persoon NOOIT veilig nie, dis ‘n lewende hell vir daai siek mense in die tronk.
Baie interesante boeke.

S Y de Wet ·

Nee . A m Y . Dis nie wreed nie . Dis geregtigheid . Ons moet Oscar ook .Mat_5:6 Salig is die wat honger en dors na die geregtigheid, want hulle sal versadig word. Hulle moet ook nie in die tronk nie ne’ ,daar kos hulle ons weer n klomp geld .

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.