ʼn Man wat daarvan beskuldig word dat hy vyf tienerseuns gemolesteer het, sal na verwagting Maandag in die Vanderbijlpark-landdroshof verskyn.
Kapt. Doniah Mothutsane, woordvoerder van die polisie, het gesê die 28-jarige man is Donderdag in Kempton Park aan die Oos-Rand in hegtenis geneem. “Daar word beweer dat die 28-jarige verdagte die slagoffers deur internetspeletjies bevriend het,” het sy gesê.
Mothutsane het gesê die verdagte is in hegtenis geneem nadat ʼn pa beweer het sy seun is deur die man gemolesteer. “Vier ander slagoffers, almal 15 jaar oud en van Vanderbijlpark, beweer ook dat hulle deur die verdagte gemolesteer is.”
Sy het gesê die man staan tereg op aanklagte van verkragting, seksuele aanranding, seksuele uitbuiting, seksuele gereedmaking en kindermishandeling.
“Kastreer”
Vieslike, vieslike, vieslike ding – ek het absoluut geen woorde om te beskryf hoe ek voel oor gemors soos hierdie nie. Om onskuldige kinders in sy lokvalle te lei… ek het nie woorde nie.