Die polisie in die Vrystaat het ʼn 39-jarige vragmotorbestuurder in hegtenis geneem toe meer as 570 kg dagga glo in sy besit gevind is.
Die vragmotorbestuurder is in hegtenis geneem toe hy Wepener binnegery het van die nabygeleë Van Rooyenshek-grens met Lesotho, het sers. Yanga Ngcukana, woordvoerder van die polisie, gesê.
Die polisie het vroeër inligting ontvang dat onwettige middels in die vragmotor vervoer word. “ʼn Wit Toyota Dyna-vragmotor is opgemerk, agternagesit, afgetrek en deursoek. Beamptes het beslag gelê op 23 sakke dagga en die bestuurder van die vragmotor is in hegtenis geneem,” het Ngcukana bygevoeg.
Die dagga het 575,2 kg geweeg en het ʼn geraamde straatwaarde van R862 800.
Die man sal binnekort in die Wepener-landdroshof verskyn.
As die polisie dit konfiskeer en aan die brand steek….is dit wettig. As sy kliënte dit by hom koop en aan die brand steek….is dit onwettig. Die lewe is so onregverdig…hahaha