ʼn Man is in ʼn kritiekte toestand nadat hy Donderdag op ʼn kleinhoewe in Benoni, Gauteng, met ʼn spykergeweer in die bors geskiet is.
Russel Meiring, ʼn woordvoerder van ER24, het gesê paramedici het die man, in sy 30’s, op die vloer aangetref met ʼn groot spyker wat by sy bors uitgesteek het.
“Hy is op die toneel behandel en is met ʼn helikopter na die Charlotte Maxeke-hospitaal geneem vir gevorderde behandeling,” het Meiring gesê.
Die man is na bewering per ongeluk deur ʼn kollega geskiet.