Man nié weer aangestel ná hy k-woord gebruik

Argieffoto

Argieffoto

Die konstitusionele hof het Dinsdag beslis dat die Suid-Afrikaanse Inkomstediens (SAID) ʼn voormalige werknemer, wat sy baas by die SAID die k-woord toegesnou het, nie weer hoef aan te stel nie.

Jacobus Johannes Kruger is in 2007 dissiplinêr verhoor nadat hy sy lynhoof, Amos Mboweni, die k-woord toegevoeg het. Kruger is aanvanklik vir tien dae sonder betaling geskors en ʼn finale waarskuwing gegee, maar die SAID het besluit om hom summier af te dank.

Kruger het hom na die Kommissie vir Versoening, Bemiddeling en Arbitrasie (KVBA) gewend waar hy sy saak gewen het. Die SAID het sy appèl in die arbeidshof teen die KVBA se beslissing verloor, waarna die inkomstediens hom tot die konstitusionele hof gewend het.

Die konstitusionele hof het Dinsdag beslis dit is onredelik om die SAID te beveel om Kruger weer aan te stel en dat Kruger gevolglik ses maande se salaris betaal moet word.

Sandile Memela, woordvoerder van die SAID, het in reaksie op die konstitusionele hof se bevinding gesê die SAID sien die uitspraak as ʼn oorwinning in die stryd om ʼn nie-rassige samelewing te skep. “Die SAID as ʼn organisasie is toegewyd om ʼn transformerende kultuur te bou wat sal bydra tot ʼn nie-rassige Suid-Afrika. Dit is daarom dat die SAID hierdie saak tot in die konstitusionele hof beveg het,” het Memela gesê.

“Die SAID het nog altyd die siening gehandhaaf dat rassisme die kern van die SAID se mandaat, sy waardebepaling en waardestelsels ondermyn. Daarom sal die SAID nie sulke gedrag duld nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Wally Walters

Sien jy wat gebeur Mnr van Wyk

Nick Liebenberg

Gaan dieselfde reels geld vir Julius Malema in die hof?

m

Dieselfde reels geld glad nie vir hulle nie. Dis wat alles so belaglik maak. Dit maak mens naar!!!

zoom zoom

Hoekom is dit reg as hulle ons name toesnou. Dan gebeur daar niks met hulle. Regstelsel is nie konsekwent nie.

Jaco

Gaan die konstitusionele hof nou ook regstellende aksie wat teen wit mense EN kleurlinge EN Indiërs diskrimeneer, ongrondwetlik verklaar? Dit maak tog die werkplek suiwer swart en beslis nie “nie-rassig” nie…